એજીઆર ૨ (કૃષિ યાંત્રિકીકરણ)એસ.સી. અને એસ.ટી. સિવાયના ખેડૂતો માટેની યોજના

યોજનાનું નામ

એ.જી.આર-૨, અનુસુચિત જાતિ અને અનુસુચિત જનજાતિ સિવાયનાં ખેડૂતો માટે કૃષિ સહાયક કાર્યક્રમ

યોજના વિષેની ટુંકી માહિતી

• રાજયમાં ઉદ્યોગીકરણ અને શહેરીકરણના કારણે ખેતમજૂરોની ખૂબ જ અછત પ્રવર્તે છે. ઓછા ખર્ચે સારૂ અને વધુ ખેત ઉત્પાદન મેળવી કૃષિ ઉદ્યોગોને સફળ બનાવવા માટે કૃષિ યાંત્રિકરણનો વ્યાપ્ત વધારવો અનિવાર્ય છે. કૃષિ યાંત્રિકરણ થવાથી ખેડૂત કુદરતી અમુલ્ય સ્ત્રોત જેવા કે, જમીન, પાણી તથા વાતાવરણનો મહત્તમ અને કાર્યક્ષમ ઉપયોગ કરીને ઓછા ખર્ચે સારી ગુણવતાવાળુ અને વધુ ખેત ઉત્પાદન મેળવી શકે છે. આમ, કૃષિ યાંત્રિકીકરણન વ્યાપ વધારવા માટે કેન્દ્ર પુરસ્કૃત "સબમીશન ઓન એગ્રીકલ્ચરલ મીકેનાઈઝેશન” યોજના અમલમાં છે તે સિવાયના ૨૦૮ તાલુકામાં સામાન્ય વર્ગના (અનુસૂચિત જાતિ અને અનુસુચિત જનજાતિના) ખેડૂતો માટે એજીઆર ૨ (કૃષિ યાંત્રિકીકરણ) યોજના હેઠળ સહાય આપવામાં આવે છે.
• ૧૦૦% રાજ્ય પુરસ્કૃત યોજના છે.

યોજનાનો લાભ મેળવવા માટેની પુર્વ જરૂરીયાત

• અનુ. જાતિ અને અનુ. જન જાતિ સિવાયનો રાજ્યનો કોઇ પણ ખેડૂત ("સબમીશન ઓન એગ્રીકલ્ચરલ મીકેનાઈઝેશન” યોજના અમલમાં છે તે સિવાયના ૨૦૮ તાલુકાનો) આ યોજનાનો લાભ લઇ શકે છે.
• ખાતા દ્વારા એમ્પેનલ થયેલ સાધન/કંપનીની ખરીદી કરવાની રહે છે.

યોજનાનાં લાભો

એજીઆર ૨ (કૃષિ યાંત્રિકીકરણ) યોજના હેઠળ નીચે મુજબ સહાય આપવામાં આવે છે.

યોજનાનો લાભ લેવાની પધ્ધતિ

આ યોજનાનો લાભ લેવા માટે ખેડૂતે આઇ-ખેડૂત પોર્ટલ (https://ikhedut.gujarat.gov.in/) ઉપર અરજી કરી તેની નિયત પધ્ધતિ અનુસરીને લાભ લેવાનો રહે છે.

ખેડૂત ખાતેદાર યોજનાકીય ઠરાવને આધીન સરકારશ્રીના ઠરાવને આધીન આ યોજનાનો લાભ લઇ શકે છે.

આ યોજના માટે સબંધીત જિલ્લાના જિલ્લા ખેતીવાડી અધિકારીશ્રીનો સંપર્ક કરવાનો રહે છે, જેની માહિતી આઇ-ખેડૂત પોર્ટલ (https://ikhedut.gujarat.gov.in/Public/frm_Public_Contacts.aspx) ઉપર ઉપલબ્ધ છે.

અરજી પત્રકનો નમુનો/ ઠરાવ

અરજી: આઇ-ખેડૂત પોર્ટલ (https://ikhedut.gujarat.gov.in/) ઉપર ઓન લાઇન અરજી કરવની રહે છે

ઠરાવ: ખેતી નિયામકની કચેરી, ગુજરાત રાજ્યની વેબસાઇટ ઉપર ઉપલબ્ધ છે (https://dag.gujarat.gov.in/government-resolutions-guj.htm)